2011/04/29

Rick Tubbax & the Taxi's- White Girls

Izena inoiz ere entzun gabea eta a ze temazoa.
"Fuera en las calles" blogetik hartua. Taldearen informazio gehiago hemen edo hemen.

2011/03/28

Berlinen- KvU

Bueno, istoriotxo bat kontatuko dizuet blog honen sarrera hau hasteko.
DDR (ekialdeko Alemania) garaian punka galerazita zegoen, baino Ingalaterrako oihartzuna haraino ere iritsi zen eta taldeak sortzen hasi ziren. Errepresioa haundia zen haien kontra eta asko kartzelara sartu zituzten. Garai hartako DDR-n kontrol sozial haundia zegoen eta talde hauek ez zuten tokirik zuzenean jotzeko; inork ez zien tokirik eman nahi, poliziarekin arazoak ez izateagatik. Eta gaztetxeak  ba zeuden, baino baita ere gobernuak kontrolatutakoak ziren, hortaz, hor ere ezer ez.
Horren ondorioz, gauza bitxi bat gertatu zen. Punk taldeak elizetan jotzen bukatu zuten!!!!!. Bai, elizak gobernuaren "etsaiak" ziren baino, dirudienez, "leku sakratu" izaera ez zuten galdu, eta, gobernu sozialistaren aurka joateagatik-edo, punk taldeei tokia eman zieten, hauek "espresatzeko tokia" izan zezaten. Taldeek, noski, azkar asko eman zioten baiezkoa gonbidapenari, eta punk kontzertuak elizetan egiten hasi ziren. Errepresioa areagotu eta gazteak kartzelan sartu eta erbesteratzen hasi ziren arte. Istorio bitxia, e!!! Informazio gehiago "Ostpunk" pelikula-dokumentalean.

Ba hortik datorkio izena atzo egon nintzen leku honi: Kirche von Untern (lur azpiko eliza edo underground eliza). Nere "informazio iturriak" ez zidan baieztatu KvU bertan DDR garaian kontzerturik egin ote zuten, baino izena behintzat gertaera bitxi horri eskainia dago. Eta, joan edo ez joan ibili eta gero, hara joan nintzen bi talde ikustera:  Modern Pets (Berlin) eta Ten O Sevens (Gross Britanien).

Ba eskerrak joan nintzen. Tokia, orain arte Berlinen ikusi dedan guapoena, lur azpiko "garito-gaztetxe" bat, kontzertuetarako eszenatoki guapoa, argi gutxi. Ideala punk pixka bat entzuteko.Eta taldeei dagokionez, nere "informazio iturriak" (merchandising man) esan zidan: "ikusiko dezu bigarren taldea; Clash berriak!" eta jode, ba bai, The Clash bere hasieratan  ikusten ari banitza bezela flipatu nuen (denagatik: tokia, taldea, abeslariaren ahotsa) eta asko gustatu zitzaidan talde hau. Vinileros, al loro: Ten O Sevens!!! Eta Modern Pets, punk "a lo Briefs", vitamina pura!!! Abiadura bizian hasi eta bukatu arte; bateria a "txastonazo" total, eta abesti guztiak azkarrak. Ia lepoa bere tokitik atera nuen erritmoa jarraitzen buruarekin, jajaja!!!

2011/03/27

No te sientas cortado por tener careto lapo!

Bueno, imajinik ez det aurkitu, ta nere ustez abesti hau bertsio hontan entzun behar da. Entschuldigung!!

Que asco, que poca verguenza, si los veis matarlos a botellazos:
http://www.youtube.com/watch?v=dwJP4wJ2Jyo

2011/03/25

Madness- One step beyond

 

The Hotknives-en bideoa ikusten ari nintzen, pentsatzen "joe, ze ondo geratuko diran bideoak nere blogean", jaja. Bloga lanan aktualizatzen nuen orain arte, eta han, Blogger bai baino Youtube ez neukan. Horregatik ez zegoen bideorik, horrelako sinpleak dira gauzak batzutan.
Orain badauzkat Blogger eta Youtube eta lata ematen hasiko naiz. Ba ari nintzen ikusten "Home" abesti ederra, ta hark eraman nau Bad Manners ikustera. Zirrara, oroitzapen pila bat, dantzarako gogoa, eta besoko ileak goruntz. Jarraitu det talde honen bideoak ikusten, eta oso ondo. 
Baino hitz hauek idazteko burutapena Madness taldearen bideo batera iritsi naizenean izan da. Aurrena "Night boat to Cairo" ikusi det, eta orduan Bad Mannersekin sentitu dedan guztia sentitu det, eta gauza bat gehiago. Galdetuko balidate noizbait: "Abeslaririk gustokoena?" Suggs izango litzateke nere erantzuna. Taldea Kalekumeak, ba abeslaria Suggs.
Eta ondorengo pentsamenduak izan dira: "ya esta, hemendik aurrera besoko ileak mugiarazten dizkidaten gauzak jartzea izango da nere eginkizuna blog honetan. Eta bideo honekin hasten naiz. 
Izenburuan jartzen duen bezela:  
Bizitzako beste plazer txikiak!!!!! On egin!!!

2011/03/20

"Home" by The Hotknives

Etxetik urruti dauden guztientzako!

2011/03/19

Berlinen- Blechreiz SO36-n

90eko hamarkadan ska talde pila bat sortu ziren Alemanian: El Bosso & die Ping Pongs, The Butlers, Spy Club, edo Blechreiz. Azken hauek Berlingoak ziren eta oso sartuta zeuden skinhead/SHARP mugimenduan, abeslaria kaskamotza izanda gainera.

"Ska Ska Skandal" izenburuarekin Pork Pie zigiluak talde hauek ezagutzera eman zituen, Europan oihartzun haundia izan zutelarik. Bilduma horren 4 disko atera ziren, Alemanian sortzen zihoazen taldeak sartzen.
Bilduma hauetako ska estilo berria, freskoa, oso azkarra eta dantzagarria, asko gustatu izan zait beti. Gehiena El Bosso eta bere "Immer Nur Ska" eta gero Blechreiz.

Ba berriz kontzertuak ematen dabiltzala eta, atzo Berlingo SO36 aretoan Blechreiz ikusteko aukera izan nuen. Abeslaria? Pertsonaje bat, 15 egun lehenago areto berdinean egon zen Fatty jaunaren estilokoa baino100 kilo gutxiagorekin, dantzatzen geratu gabe eta jendea animatzen. Taldekideak ere etengabe dantzan, eta beraien abestiak 60ko hamarkadako ska klasikoekin tartekatzen.

Berlinen ska taldeek beti izan dituzte zale asko, eta hori ikusi ahal izan nuen atzo. Skin eta punk asko dantzan, nola ez, botila eskuan hartuta. Tijuana in Bluek esaten zuen bezala:
"Dantza zure botilarekin, dantza....eta edan!"

2011/03/10

Berlinen- Mauerpark markt

Igande eguerdian hasi eta eguzkia sartu arte, ehun bat postu izango dira plaza haundi honetan. Denetik aurkitu dezakezu hemen: bizikletak, liburuak, erropa, etxerako tresnak, altzariak....denetik. Nekatu egin zerala? ( ze nekatu egiten zea, batez ere zerbaiten bila bazabiltza bista nekatzen zaizu, ta bestela hankak ibili-geratu-ibili mugimenduarekin) ba kafe bat edo garagardo bat edo doner bat edo nahi dezuna hartu dezakezu postuetan. Deskonektatu egin nahi dezula? (Ze jende asko dagon egunetan pixka bat "raiatu" zaitezke) Ba juten zera ondoko plazan egon ohi dan kontzertu edo karaokera (goiko argazkian)..
Dena pentsatuta daukate aleman (eta turko, espainiar, italiar...) zahar hauek!!!!

Ni azken bi igandetan jun naiz, eta jendez tope, eta oso giro ona. Eta Mauerpark izena du, muro puska bat dagoelako plazan, bai, Berlingo harresia! Eguraldi oneko igande bat pasatzeko oraingoz ez det modu hoberik bilatu hemendik...
Helbidea: Ba hori, Mauerpark (Prenzlauer Berg)

Argazkia: Jungewelt presse


Hurrengo Berlinen sarreran: turkuen Gemuse markt (Kreuzkolln)

2011/03/09

Vier räder 4

Baseok kotxe sarra hiri hontan majinaat, dedio!

2011/02/28

Berlinen- Schokoladen

www.schokoladen-mitte.de

 Bai, egia da, web orria alemanez dago...Ba okupaetxe-areto honetan kontzertuak egiteko txoko mundiala daukate. Aurreko ostiralean egon nintzen ni Pttrns ikusten, post-punk edo horrelako zerbait. Oso ondo zegoen baino jende pila bat...gehiegi. Imajinatu Txarrantxa baino pixka bat haundiagoa eta topetara beteta. Larunbatean ere kontzertua zegoen, bi ska talde. Aurrekoan pentsatzen egon nintzan, Euskal Herrian gero eta traba gehiago jartzen dituzten bitartean, Berlinen horrelako txoko pila bat daude musika zuzenan ikusteko, lasai asko. En fin...
Ba txokolate fabrika izan zen honetan (1911n sortua) ia egunero egoten da zerbait. Normalean musika, baino baita antzerkia ere. Eta beste taberna antzeko bat ere badauka, lasai egoteko dozena bat mahaiekin. Eta hori dena, beheko solairuan; ikusten dezuen bezela, ez da solairu bakarra...
Eta aretoaren sarrera gainean ikusi dezakezuen pankartak Liebigstr. 14ko etxe okuparen alde egiten du, itxi nahi omen dutelako-edo. Lehengoan Polizeiak behintzat han zebiltzan miaketa lanetan, eta kanpaina indartsua dago egunotan Berlinen etxe horren alde.
Helbidea: Ackerstrasse kalea. (Mitte)

2011/02/23

Munduko jokalari espektakularrena: Robben


Sarrera berri hau bundesliga eta bertan jokatzen duen jokalari batetaz hitz egiteko baliatuko det. Liga honek ez dauka dizdira berezirik. Joan den jardunaldian laburpenak ikusi nituen eta maila ez da oso altua.

Baina sorpresa batzuk eman dizkit Alemaniako ligak; bat, St. Pauli talde mitikoa lehen mailan dago eta nahiko ondo dijoa gainera, taularen lehen erdian, eta bestea, munduko jokalari espektakularrenak bertan jokatzen du, bai, bai...

Eta futbolarekin jarraituta, atzo Inter Milan-Bayern Munich ikusi al zenuten? Inter izan zen iazko txapelduna....eta nola lortu zuten, ze daukan "joko estilo"arekin, ez det ulertzen. Aurten Bayern berriz finalean.

Vier räder 2



2011/02/11

Eisern Union!! Eisern Union!!

Edo nola sentitu gustora futbol zelai batean bufanda ta txapel zuri-gorriak dituztenen artean eta gainera Union! Union! kantatzen...

An der Alterei zelaira nijoan, lehengo astean, Dabiden moduan Goliat menderatzen, Hertha Berlin Olimpiastadionen 1-2 irabazi zuen taldea ikustera: Union Berlin, nere talde berria Realarekin batera. Gaurkoan ezin garaipena lortu (3-3 Osnabrucken aurka) baina irrifarrak zaleen ahoetan irauten zuten partidu amaieran.

Köpenick geltokian gizon adeitsu batek bi Union zaleen eskuetan utzi nau, eta esan die "Er ist Baskisch, und spricht ein bisschen Deutsch, er gehe sehen Union" (edo holako zerbait). Alegia, bere lana bukatutzat eman du, baufanda gorriko gizon gazteago bat ikusi duenean; bere lana ni Union Berlinen zelaira iristea zen. Bi gizonekin egin det falta zen bidea, km. bat gutxi gora behera, eta galdetu diet bidean ea garagardoa ateratzen zuten zelaian, Espainiako ligan debekatua zegoela eta....parra egiten zuten eta nik pentsatu det: "ba orduan ez..." "Bai, baina plastikozko basoan, ikusiko dezu!" esaten zuten. Uste nuen katxondeoan ari zirela...

Ba ez, plastikozko basoan, baino alkoholdun garagardoa!!!! Eta tipoa indignatua, jajaja An der alterei zelaia, 10000 tipo zutik , 5000 baino gutxiago eserita. 500 bat Osnabruck-ekoak (Alemaniako beste aldeko hiri bat) ostiral arratsaldean Alemania gurutzatu dutenak bere taldea ikusteko (ostiral arratsaldea, ez ahaztu). Zelaia, Atotxaren oso antzekoa, polita. Hori bai, zelaia oso gaizki. Ezagutzen nauzuenak badakizue ze nolako irrifarra edukiko nuen nik horrelako egoera batean, eta gainera litro erdiko garagardo batekin esku artean. Ba bai, ni bakarrik deskojonatzen nintzen...Ez balitz hotzagatik....

Irrifarrea Osnabruckekoi jarri zaie laister. 0-1, eta bigarren zatia hasi ta gutxira, 0-2. Hala ere, Unionen zaleak animatzen geratu gabe (fondo ederra daukate, 3.000  baino gehiago kalkulatu det). Total, hasten dira Unionekoak gogo pixka bat gehiago jartzen bigarren zatian eta markagailuari buelta ematea lortzen dute, 1-2, 2-2 eta 3-2koa ere bai. Orduan ya aspaldi bizi ez nuen giroa futbol zelai batean; egitan, ez ziren 20.000 ikusle baino gehiago egongo, baino erdia baino gehiago kantatzen, tipo Inglaterra!!! Eta horrelako batean, 81. minutua, Unioneko defensa batek kriston kagada (baino kristona), barkatu baino oraindik ez ditut jokalariak ezagutzen, jaja eta 3-3. Jode.....
Baino, hori eta gero, Unionek bi aukera oso garbi, jaurtiketa bat langara....eta 85. minutuan, eskuak area barruan eta penalti!!!!!!!!!!! (zalantzazkoa, baino ze inporta du...) Justo penaltiak botatzen dituena zaleek gehien maite duten jokalaria da, Matushka, kapitaina, eta imajinatu: zaleen aldean penaltia, denak kantatzen, Matuuuuuuushka, Matuuuuuuuuushka (ni pentsatzen nengoen, animatu baino gehiago presioa jarriko lidake neri horrek) eta Matuuuuuuuushkak gora.

3-3. Ezin garaipena lortu baino taldeak zelaiari buelta eman dio eta zaleak a tope. Egia esan, uste det 40 urte zirela Unionek ez ziola Herthari irabazten, eta igual horregatik izango da, baino neri berdin zait, ni hor egon naiz hori ikusteko, eta hurrengo partidua etxean, otsailaren 25ean Munich 1860ren kontra. Hor egongo naiz baita ere, eta kronika jarriko det.

Ze...ez da asteburua hasteko batere plan txarra, eta hori berbera pentsatzen zuten bueltako trenean kantatzen eta parrez zetozen ehundaka lagunek. Zale bat gehiago daukazue gaurtik.

Und niemals vergessen - Eisern Union!